निरोप

निरोप 

आता बघवत नाही रे 

निरोप घेण - देण ,

सहनही होत नाही 

पण तरीही हसतोय 

तुझ्या समाधनासाठी 

मिठागरे गच्च भरलीत 

डोळ्यातली 

पिकल पान गळाव ,

तसच गळतय पाणी 

त्या मिठागरातून

आता आवरताही  येईना 

त्याच्या फुटलेल्या बांधाला 

आता जीवन अमावस्याच 

बनून राहिलंय बघ 

लाखो\चांदण्या असूनही 

चंद्रच हरवून बसलोय 

आता चालतानापण

एक पाऊल  कमी होणार ,

लंगड्यासारख 

रहाव लागणार ,

शब्दांना अर्थाशिवाय ,

अर्थांना भावनांशिवाय 

रहाव लागणार ,

अन खऱ्या अर्थाने
मलापण ' महाकाव्याशिवाय ' रहाव लागणार ….