विकृती

            विकृती 

                  रक्तच  नसलेल्या जखमा भळभळताहेत  

         विकृती डसतेय ,

तिच विष ओकतेय . 

रक्तच नसल्याने डाग पडत नाहीत 

तरीही उरलेसुरले ठसे ,

 तेही मिटवले जातात  अभिमानाने 

नराधम शमवताहेत भूक 

गूढ , गर्द शांततेत 

ती शांततापण माजवतेय 

दंगा शांतपणे 

सगळच घडतय शांतपणे 

करणारे करताहेत , भोगणारे भोगताहेत 

आणि आम्ही , आम्ही तर मुंडणच 

केलय सहानुभूतीच 

पण ……. 

का आज दुर्गामाता शांत झालीय ?

का आज आटलय रक्त फुलपाकळीतल ?

धरणीपण का कंपत नाही ?

निरुत्तरित आहे 'कारण'

 हतबल झालय 'कर्म'

अन कर्ता मात्र  मोकाट झालाय ….