आलीस ना !

आलीस ना !

का ग आलीस माझ्या जीवनात 

कोसळणाऱ्या पावसाच्या 

चमकणाऱ्या विजेसारखी 

तू का आलीस ?

 

वाटल जाशील 

वाऱ्याच्या वेगाने धोका देऊन ,

अन लुप्त होशील मृगजालासारखी 

पण नाही ,

तू गेली नाहीस 

चिटकून राहिलीस 

काट्याबरोबर एका सुंदर फुलासारखी 

 

वाटल तुलाही येईल तिटकारा 

जगतकोशात नवनिर्मिती करणाऱ्या  कवीचा 

पण नाही ,

तू सुखावलीस

कारण तूही शोधत होतीस माझ्यासारखीच 

विविध रंग त्याच कोशात 

 

पण वाटल नव्हत की 

तू इतकी रमशील माझ्याबरोबर 

अन विरून जाशील माझ्या स्वतकोश्यात 

खरच वाटल नव्हत ग ,

 

पण  आता आलीस ना !

आता मग जावू नकोस 

एकट्याला सोडून 

जायचेच असेल तर मीही येईन 

अन विलीन होऊ दोघेही याच आसमंतात ….