बदल
बदल
चिमुकल्यांचे खेळ बदलले
गोट्याच्या रिंगणात alfa , bita , gama नाचले .
गरगरणाऱ्या भोवऱ्याला newton law ने रोखले ,
पळणाऱ्या पावलांना friction ने अडवले .
उंच भिरभिरणाऱ्या विटीला gravity ने खेचले ,
गळणारे अश्रू a.p. , g.p. गाऊ लागले .
भांडी - कुंडी , घर - घर खेळणारे
प्रयोगशाळेत जाऊ लागले ,
चिखलात लोळणारे
आता concentrated solution मध्ये गुरफुटले .
चिमुकल्यांचे सणपण बदलले
होळीला hydrogen , oxygen
भोवती बोंबलू लागले ,
तर संक्रांतीला
वहीतला kite उडवू लागले .
शेवटी darwin ची theory समजू लागले ,
इवलासा श्वास घेत धडपडू लागले .
खरच चिमुकल्यांचे खेळ , सण बदलले ,
त्यांचे जग पण बदलले ,
पण ….
theory , law तसेच राहिले
चिमुकले मात्र बदलले
टाय , बूट , सूट घालू लागले
चिमुकले मोठ्ठे होऊ लागले !
टिप्पण्या
टिप्पणी पोस्ट करा